WAKAAZI WA MTAA KITUNDA WAMLALAMIKIA MWENYEKITI WAMTAA KUTISHIA MAISHA YAO.

MANISPAA YA ILALA JIJINI DAR ES SALAAM

Timothy Marko

WAKAZI wa  mtaa  wa  Kipera Kata ya Kitunda  Ilala jijini Dar es Salaam,wamelalamikia  kitendo cha ku tishiwa  maisha yao na Mwenyekiti  wa   Mtaa  huo   Hussein   Yusufu  (CCM).

Wakizungumza  na Chanzo chetu ,   kwa nyakati tofauti  juzi  kwa masharti ya kutokutajwa majina yao gazetini ,wakazi  hao walidai kuwa  kumekuwa    na  vitendo   vya unyanyasaji katika mtaa huo ambavyo  wamedai kuwa  vinafanywa  na sungusungu kwa shinikizo la Mwenyekiti.

Walisema    Sungusungu wa mtaa huo wamekua  na  tabia ya   kuwakamata  wananchi   holela  usiku pindi wanapochelewa kurudi kwenye majukumu yao ya kazi  na kuwafungia  katika ofisi  ya serikali  ya mtaa  huku  wakiwapa vipigo  bila sababu.

Walisema  baada  kuona hali hiyo inazidi  kushamiri  waliamu  kumueleza   Mwenyekiti  huyo ili aitishe mkutano waeleze  kero zao lakini Mwenyekiti  huyo  alidai kuwa hana  muda.

Walisema baada ya kumtaka  Mwenyekiti huyo kuitisha mkutano  wa hadhara  ili waseme  kero zao, , Mwenyekiti  huyo  aliwajibu kwamba kazi anayoifanya    ni ya kujitolea hivyo hana  nafasi  ya kufanya mkutano na wananchi na kamba waimfuatefute kuna watu ameshawapoteza  hivyo wanaoleta jeuri na kumsumbuasumbua nao atawapoteza.

“ Tunazidi kuishi kwa mashaka  kutokana na kauli za Mwenyekiti , tuna nyanyaswa  katika  mtaa   wetu utafikiri sisi ni wakimbizi ,tunamuomba Mkuu wa Wilaya ya Ilala, Sophia Mjema, na OCD  wa  Ukonga  wafike katika mtaa huu tuwaeleze  kilio chetu kwani tumechoka kunyanyaswa   hatuna amani tumekuwa kama wakimbizi,”alisema mmoja wa wananchi hao.

Waliongeza kuwa bado katika maeneo yao wanayoishi  wanaibiwa mali zao  usiku  pamoja na kuchangishwa    kila mwezi Sh. 2000 kwa ajili ya ulinzi shirikishi na kwamba wanapompelekea malalamiko Mwenyekiti huyo kuhusu kuibiwa anawajibu kwamba yeye analinda raia halindi mali.

 Katika hatua nyingine wananchi hao walisema hawana imani na Mwenyekiti huyo kwa sababu amekuwa hasikilizi kero za wananchi  wala hana muda wakuitisha mikutano.

Mmoja wa  wananchi hao ambaye alidai kuwa  alikuwa mmoja  wa  sungusungu  hao ambaye naye hakutaka jina lake liandikwe gazetini, alisema kazi hiyo ni ngumu ameamua kuacha kwa madai kuwa pesa  zinazochangishwa kwa wananchi ili walipwe wao ni ndogo  hazilingani na kazi wanayoifanya usiku .

 chanzo hicho,  kilimtafuta kwa  njia ya simu  Mwenyekiti huyo ,ambapo  aliijibu kwamba  anasikitishwa   kusikia tuhuma hizo na kwamba katika uongozi kunakuwepo na maadui wengi , hivyo anaamini  wanaomtuhumu ni wale ambao wanapiga vita uongozi wake.

Alisema sungusungu wapo katika mtaa huo  kwa mpangilio  na makubaliano  na  wananchi wenyewe  ambao  ndio walioamua kuwepo na sungusungu baada ya mtaa huo kuvamiwa na majambazi ndipo wananchi walikubaliana  na Mwenyekiti   huyo  kuwepo na ulinzi shirikishi na watoe  kiasi cha fedha cha kuwalipa walinzi hao.

“Siasa naijua waliokupa taarifa hizo  wanataka ushindi kuiharibu serikali yangu, wananisingizia kwamba siitishi mikutano ndgu mwandishi mimi kila baada ya siku kadhaa  naitisha mikutano au vikao, pia madai ya  mimi kutoa  kauli ya kupoteza mtu  kama wanavyodai , sijawahi  kupoteza mtu ila kama ni kijana wangu hata kama nimemzaa akifanya uhalifu siwezi kumtetea,”alisema Yusufu nakuongeza;

“Nasikitika sana kuona sehemu yenye utendaji mzuri ikipakwa matope ,mimi si tetereki siasa naijua, sungusungu  wanafanya  kazi  kwa  matakwa   ya  wananchi  atakaye kamatwa usiku wa manane halafu akawa mkorofi   kwa   walinzi  lazima   atawekwa   sehemu   mpaka   asubuhi   ntajua   nichukue   maamuzi    ya  kumkanya  au  kumchukulia   hatua  za kisheria,”alisema.