OFISI YA TAKWIMU: THAMANI YA DHAHABU YAKUZA PATO LA TAIFA LA SHILINGI TRILIONI 71.

Na Timothy Marko.

JUMLA Shilingi trilioni 71.7 zimeweza kupatikana katika kipindi cha mwezi Januari hadi Septemba mwaka jana sawa na ongezeko la pato la taifa la asilimia 6.9 ikilinganishwa pato la taifa la nchini Kenya la 5.8.

Akizungumza na waandishi wa habari mapema hii leo jijini Dar es salaam Mkurugenzi wa Ofisi ya Takwimu nchini Albina Chuwa amesema kuwa ongezeko hilo la pato la taifa limetokana na kuongezeka kwa mauzo ya dhahabu na almasi na madini mengine pamoja na kukua kwa sekta ya utalii nchini .

‘’Katika kipindi cha robo tatu ya mwaka jana viashiria vyakiuchumi vimeonesha kutoyumba kwa uchumi ambapo thamani ya mauzo ya bidhaa na huduma nje yanchi imeongezeka kwa asilimia 3.3 bidhaa zilizochangiwa ni pamoja na dhahabu na almasi na madini mengine ‘’AlisemaAlbina chuwa .

Chuwa alisema kuwa, thamani ya bidhaa na huduma zilizoagizwa kutoka nje ziliweza kupungua katika kipindi cha mwezi Septemba na kuweza kufikia asilimia 0.58.

Alisema sekta ya kilimo iliweza kukua kwa asilimia 2.6 kwa mwaka jana ikilinganishwa 3.1 katika kipindi cha mwaka 2014.

‘’Shughuli ndogo ya uzalishaji mazao ya kilimo ikiwemo zao la mahindi limeweza kuchangia asilimia 23 katika pato la taifa ikilinganishwa kipindi cha mwaka jana ambapo jumla ya tani 2,148000 ziliweza kuzalishwa ‘’Aliongeza CHUWA .