MKUU WA WILAYA KINONDONI ACHARUKA UBADILIFU

AMINI NYAUNGO

Mkuu wa Wilaya ya Kinondoni Ali Salum Hapi ametoa tahadhari kwa wahusika waliofanya ubadhilifu katika kuwapatia pesa za misaada ya Tasaf kwa wasiostahiki na kusababisha upotevu wa fedha za serikali. Hayo ameyasema leo katika mkutano wake na Waandishi wa Habari akidai kuwa wote waliopata fedha hizo wanatakiwa wazirudishe  mahala stahiki ili zifanyiwe kazi kwa wanaostahiki.

Aidha Dc Hapi  amesema kaya 1000 zimefanya udanganyifu na kupata fedha hali yakuwa wanajiweza kutoka katika Shirika la Tasaf pamoja na serikali ambapo kaya hizo zimebainishwa kuwa hazikustahili kupata misaada hiyo ya mfuko wa kusaidia kaya masikini na watoto walio katika mazingira magumu.

Hapi amesema Tasaf na pesa zilizotolewa zilikuwa kwa ajili ya kuwasaidia kaya zilizo na hali mbaya kiuchumi ili ziwasaidie kupata nguo  za shule pamoja na huduma nyingine za kijamii, hivyo udanganyifu uliofanyika umebaini kaya hewa 566  pia kaya nyingine 265 na kaya nyingine 59 zote za Wilaya ya Kinondoni pamoja na kaya zilizobaki wamehama maeneo hayo hivyo kuna fedha zinachukuliwa na haijulikani wapi zinaenda baada ya kubaini na kufanya uchunguzi wa fedha hizo.

Fedha zilizopotea ni milioni mia moja na themanini, mia tatu ishirini na nne ambazo zililipwa kwa awamu 7, hivyo basi kaya zote zilizoorodheshwa zinaondolewa katika misaada hiyo ya Tasaf kwa ajili ya kuwatafuta wanaohusika ili wapate misaada na lengo la kusaidia ili litimie kwa wahusika ambao Tasaf pamoja na serikali inahitaji wapate.

Tayari maamuzi yamefanyika na wamemuagiza Mkurugenzi wa Kinondoni kumvua vyeo aliyekuwa Mratibu wa Tasaf  Onesmo Kweyamba na wamewasiliana na Tasaf kwa ajili ya taarifa ya Mratibu huyo ili hatua zaidi zichukuliwe kuzuia upotevu mwingine usitokee  na maamuzi yaliyofikiwa kabla ya kutoa misaada hiyo vyombo vya dola vinatakiwa vishirikiane na Tasaf pale wanapoishia ili misaada ifike sehemu sahihi.