NMB YAINGIA MAKUBALIANO NA BRELA KATIKA USAJILI WA MAKAMPUNI.

Timothy Marko.

BENKI ya kibiashara ya NMB imeingia makubaliano na Wakala wa  usajili wa Makampuni (BRELA) katika malipo ya usajili wa makampuni kupitia benki hiyo.

Akizungumza na waandishi wa Habari mapema hii leo jijini Dar es salaam Mkuu wa kitengo cha mihamala wa benki hiyo Michaeli Mungure amesema kuwa malipo hayo yausajili wa makampuni yatakuwa katika mifumo mbalimbali ya malipo ikiwemo mfumo wa Nmb Mobile ulioanzishwa na benki hiyo .

‘’Kupitia Makubaliano tunayo yafanya hii leo na Wakala wa usajili wa makampuni (BRELA)huduma ya tozo za usajili wa makampuni kupitia NMB mobile hii ninjia rahisi itakayo muwezesha Mameneja Wa makampuni kulipa ada za usajili kupitia mifumo yakibenki ikiwemo NMBmobile ‘’Alisema Mkuu wa Kitengo cha Mihamala Michael Mungure .

Mkuu wa kitengo cha Mihamala NMB Mungure alisema kuwa huduma hiyo imeshakamilika ikiwemo mifumo ya taasisi hiyo itakayo wawezesha makampuni kuweza kulipa mihamala yao kwa wakati .

KATIKA hatua nyingine Kaimu Meneja wa Wakala wa Usajili wa Makampuni BRELA Bosco Gadi amesema kuwa benki ya NMB ni benki ya kwanza inayodumisha ushirikiano na taasisi hiyo .

Bosco Gadi amesema kuwa taasisi yake inajishughulisha na usajili wa viwanda na majina mbalimbali ya Biashara  ikiwemo kusajili makampuni kupitia tozo mbalimbali za usajili wa makampuni .

‘’Hii nifursa nzuri ya kurasimisha biashara na kupunguza gharama za kulipa ada ‘’Alisema Gadi .

Gadi alisema kuwa hii nihatua nzuri itakayo wawezesha wafanya biashara kurasimisha biashara zao nakuiwezesha serikali kuweza kupata mapato na kukuza uchumi wataifa.