BIASHARA: SOKO LA HISA LAPANDA

Bi Mary Kinabo DSE Akizungumza na wanahabari.

TIMOTHY MARKO

MENEJA BIASHARA na mauzo soko la hisa la Dar Es Salaam DSE Mary Kinabo amesema kuwa kupanda kwa mauzo ya hisa katika soko hilo kumetokana na hali ya kiuchumi kutengemaa baada ya wawekezaji wengi kujitokeza kununua hisa za kampuni ya bia nchini.

Akizungumza na waandishi wa habari jijini Dar Es Salaam Bi Mary Kinabo amesema kuwa katika wiki hii mauzo katika soko hilo yamepanda mara mbili ikilinganishwa na wiki iliyopita ambapo mauzo ya hisa yalipanda kutoka shs 3.8bilioni hadi kufikia 9bilioni.

“Wakati huohuo idadi ya hisa zilizouzwa na kununuliwa zimepanda kwa 49% asilimia, kutoka shs 724,000 hadi kufikia 1milioni” alisema Kinabo.

Pia alisema kuwa kampuni tatu zinazoongoza kwa idadi ya hisa zilizouzwa na kununuliwa ni pamoja na TBL kwa asilimia 54%, swiss port 16%  wakati CRDB ikishika nafasi ya tatu katika soko la hisa kwa kuwa na asilimia 11% mapema hivi karibuni.

Bi Mary Kinabo aliendelea kusema kuwa mtaji wa makampuni ya ndani umebaki kwenye 8.2trillion ikilinganishwa na ukubwa wa mtaji wa soko uliopanda kutoka 20.8trillion hadi kufikia 21.3trillion.

“Sekta ya viwanda kwa wiki hii imeshuka kwa 2.62 point baada ya bei ya hisa za TBL kushuka kwa 0.08% wakati sekta ya huduma za kifedha imepanda kutoka 3.38% baada ya bei ya hisa katika kaunta za DSE kupanda kwa 12.04%.” aliongeza Kinabo.

Vilevile  aliongeza kuwa sekta ya huduma za  kibiashara kwa wiki hii iko palepale baada ya hisa za swiss port kubaki kwa bei ileile ya awali ya shs 3,543.02.